வாக்காளர் அடையாள அட்டை :

வாக்காளர் அடையாள அட்டை : உங்கள் தொலைபேசியில் டிஜிட்டல் வாக்காளர் அடையாள அட்டையை எப்படி பதிவிறக்கலாம்? மின்-இபிஐசி (Electronic Electoral Photo Identity Card) என்றால் என்ன? மின்-இபிஐசி என்பது மின்னணு தேர்தல் புகைப்பட அடையாள அட்டையின் பாதுகாப்பான போர்ட்டபிள் ஆவண வடிவமைப்பு (PDF) பதிப்பாகும். இது மொபைலில் அல்லது கணினி மூலம் பதிவிறக்கம் செய்யப்படலாம். இவ்வாறு ஒரு வாக்காளர் தனது வாக்காளர் அட்டையை மொபைலில் சேமித்து வைக்கலாம்,. அதை டிஜி லாக்கரில் PDF ஆக பதிவேற்றலாம் அல்லது அதை நகல் எடுத்து லேமினேட் செய்துக்கொள்ளலாம். இ-இபிஐசி எவ்வாறு பதிவிறக்கம் செய்வது? வாக்காளர் போர்ட்டல் அல்லது வாக்காளர் ஹெல்ப்லைன் மொபைல் செயலி அல்லது என்விஎஸ்பி (NVSP) ஆகிய வழிகளில் இ-இபிஐசி (e-EPIC) பதிவிறக்கம் செய்யலாம் மின்-இபிஐசி பதிவிறக்கம் செய்வதற்கான வழிகள் குறித்து பார்ப்போம்: கீழேயுள்ள வழிகளை பயன்படுத்தி http://voterportal.eci.gov.in/ https://nvsp.in/ அல்லது வாக்காளர் ஹெல்ப்லைன் மொபைல் பயன்பாட்டிலிருந்து இ-இபிஐசி பதிவிறக்கம் செய்யலாம்: வாக்காளர் போர்ட்டலில் (Voter Portal) நுழைக. அந்த பக்கத்தில் இருக்கும் e-EPIC பதிவிறக்கம் என்பதைக் கிளிக் செய்க. EPIC எண் அல்லது படிவ குறிப்பு எண்ணை உள்ளிடவும். பதிவுசெய்யப்பட்ட மொபைல் எண்ணில் OTP அனுப்பப்படும். அதை உள்ளீடவும். (மொபைல் எண் Eroll இல் பதிவு செய்யப்பட்டிருந்தால்) இப்போது e-EPIC பதிவிறக்கத்தை கிளிக் செய்க Eroll தளத்தில் மொபைல் எண் பதிவு செய்யப்படவில்லை என்றால், KYC நிரப்ப வேண்டும்.